„ქართული ოცნების“ დამფუძნებელი, მილიარდერი, საქართველოს ყოფილი პრემიერ-მინისტრი ბიძინა ივანიშვილი საქართველოს საფეხბურთო ნაკრებს 30 მლნ ლარს (10,7 მლნ აშშ დოლარს) გადასცემს. ეს გადაწყვეტილება ივანიშვილმა საქართველოს ნაკრების მიერ ევროპის ჩემპიონატის 1/8 ფინალში გასვლის შემდეგ მიიღო”, – ამ ინფორმაციას “Reuters-ი“ ავრცელებს.
„ქართული ოცნების“ განცხადებაში აღნიშნულია, რომ ბიძინა ივანიშვილმა გუნდს პორტუგალიასთან გამარჯვება მიულოცა და საკუთარი საქველმოქმედო ფონდიდან მას ფული გამოუყო. ივანიშვილმა ჩვენი ფეხბურთელების გამარჯვებას „ისტორიული შედეგი“ და „ოცნების ასრულება“ უწოდა.
ივანიშვილის თქმით, კიდევ 30 მლნ. ლარს ის ქართველ ფეხბურთელებს ევროპის ჩემპიონატის მერვედფინალში ესპანეთზე გამარჯვების შემთხვევაში გადასცემს.
