“პარიზის ოლიმპიადის ჩირაღდნის ესტაფეტაში მონაწილეობის მისაღებად ფრანგი დრაგ-ქუინი შეარჩიეს”, – წერს გამოცემა “France 24-ი”.
რამდენიმე დღეში პარიზში ოლიმპიური თამაშები გაიხსნება. ოლიმპიადის ისტორიაში ეს იქნება ყველაზე ფერადი და ყველაზე ლგბტ ოლიმპიადა.
ოლიმპიური კომიტეტის მონდომებით, პარიზის ოლიმპიადა ტრანსგენდერების რაოდენობით ოლიმპიადების ისტორიაში ყველაზე მრავალრიცხოვანი იქნება.
როგორც ცნობილია, ოლიმპიადა ოლიმპიური ცეცხლით იწყება, რომელსაც, სიმბოლურად, ოლიმპიადის მასპინძელი ქვეყნის ყველაზე გამოჩენილი და ლეგენდარული სპორტსმენები ანთებენ ხოლმე.
პარიზის ოლიმპიადაზე ლეგენდარულ სპორტსმენებს ტრანსგენდერი დრაგ-ქუინი ჩაანაცვლებს. ქალად გადაკეთებული მამაკაცი, მეტსახელად მინიმა გესტი, 25-სანტიმეტრიანი ქუსლებითა და ოლიმპიური ჩირაღდნით ხელში, ოლიმპიური მოძრაობის ახალი სიმბოლო გახდება. ეს ინიციატივა საფრანგეთის ხელისუფლებას ეკუთვნის.