“რამდენიმე დღე გავიდა “ქართული ოცნების” პოლიტიკური საბჭოს განცხადებიდან, სადაც მკაფიოდ და გარკვევით ეწერა, რომ არჩევნების შემდეგ კოლექტიური “ნაციონალური მოძრაობა” გასამართლდება ომის დანაშაულისა და სამშობლოს ღალატის გამო. აი, შეხედეთ უგულავას რეაქციას – ეს ბიუჯეტის ქურდბაცაცა იმას კი არ წერს, ეგ დანაშაული არ ჩამიდენიაო, იმას წერს, რომ ციხეში უკვე ვიჯექი და მეტი რაღა უნდა მიქნანო”, – წერს “ერთიანი ნეიტრალური საქართველოს” წევრი ლევან ნიკოლეიშვილი სოციალურ ქსელში.
“როგორც ჩანს, ამან არ იცის, ან არ უნდა, გაიგოს, რომ ფულის მოპარვა და სამშობლოს ღალატი განსხვავებული დანაშაულებია და სასჯელიც განსხვავებული იქნება, თან – აუცილებლად. არათუ პოლიტიკაში უნდა ბოგინებდნენ ეს და მისი ბელადი სააკაშვილი, რომელსაც ჯერ კიდევ, მინიმუმ, 3 წელი დარჩა მოსახდელი, არამედ ციხიდან ვერ უნდა გამოვიდნენ, რომ დარჩენილი ცხოვრება სინანულში გაატარონ – საქართველოს ღალატის, ქართული მიწების დაკარგვისა და ხალხის გაუბედურების გამო”, – წერს ნიკოლეიშვილი “ფეისბუკის” გვერდზე.
