დუშეთის მუნიციპალიტეტში, სოფელ ბარისახოში სახალხო დღესასწაული „მთა-ბარობა 2024“ გაიმართა.
დღესასწაულზე მოწყობილი იყო საბავშვო გასართობი სივრცეები, ეთნოგრაფიული კუთხეები. მიმდინარეობდა ადგილობრივი პროდუქციის გამოფენა-გაყიდვა. გაიმართა კონცერტები ადგილობრივი და მიწვეული ინდივიდუალური შემსრულებლების, ანსამბლებისა და მუსიკალური ჯგუფების მონაწილეობით.
საღამო მუსიკალური ჯგუფების „რეგიონის“, „ბანისა“ და დები გოგოჭურების კონცერტით დასრულდა.
