“საქართველოში ჩატარებული “NDI-სა” და “IRI-ს” ცრუ კვლევების შედეგი – დასავლელი მაღალჩინოსნები საერთოდ არ იცნობენ ქართველთა განწყობებს და გვამუნათებენ კანონზე „ოჯახური ღირებულებებისა და არასრულწლოვანთა დაცვის შესახებ“, – წერს ანალიტიკოსი გია აბაშიძე სოციალურ ქსელში.
მისივე განცხადებით, დასავლეთი რომ არ იცნობს ქართული საზოგადოების განწყობებს, ამას მოწმობს ევროპისა და ევრაზიის საკითხებში აშშ-ის სახელმწიფო მდივნის თანაშემწის, ჯეიმს ო’ბრაიენის და გერმანიის კანცლერის, ოლაფ შოლცის განცხადებები.
“აშშ-ის ერთ-ერთი ტოპ დიპლომატი ო’ბრაიენი და გერმანიის კანცლერი შოლცი პროპაგანდირებენ ჩვენი საზოგადოების ინტერესების საწინააღმდეგოდ – ან “ქართული ოცნების” მხარდამჭერი მრავალრიცხოვანი არმიის კონსოლიდაციას ახდენენ ან წარმოდგენა არ აქვთ საზოგადოების უმრავლესობის პრიორიტეტებზე”, – წერს გია აბაშიძე “ფესბუკის” გვერდზე.
