“ვუყურე “იმედის კვირას” და დავრწმუნდი, რომ ხაზარაძე და გახარია აბსოლუტურად ერთნაირი თაღლითები და გამყიდველები არიან (ალბათ, ამიტომ გაუგეს ერთმანეთს ასე კარგად და აპირებენ მომავალში თანამშრომლობას), ორივე ერთად კი – “ნაცების” მაშველი რგოლი” , – წერს “ფეისბუკის” გვერდზე გახარიას პარტიის ახალგაზრდული ორგანიზაციის ყოფილი ხელმძღვანელი გიორგი კარანაძე.
„ამ სიტყვებზე პასუხს ვაგებ ნებისმიერი ფორმით,
უფრო მეტიც – შემიძლია, ნებისმიერ ფორმატში დავუჯდე გიორგი გახარიას და გამცეს პასუხი ორ კითხვაზე:
1. რატომ მოგვატყუა ახალგაზრდები, რომ “ნაცების” წინააღმდეგ იბრძოდა; რატომ თანამშრომლობს მათთან, ვინც უბედურების ქარცეცხლში გაატარა ჩემი და კიდევ ათასობით ქართველის ოჯახი.
2. რატომ “გადააგდო” და არ გადაუხადა ხელფასები ახალგაზრდებს და რატომ დაგვემალა. იქვე დავუმტკიცებ, რომ თუ ვინმეა თაღლითი ქვეყანაში და თუ ვინმე აკეთებს “ნაცების” საქმეს, ეს თავად გიორგი გახარიაა.
დღეს გახარია და ხაზარაძე პოლიტიკაში კი არა, საბრალდებო სკამებზე უნდა ისხდნენ!“- წერს გიორგი კარანაძე.
