“ქართული ოცნება- დემოკრატიული საქართველოს” ვაკის დელეგატი ზუკა რურუა აბაშიძის N41-სა და ყაზბეგის N47-ში მცხოვრებ მოსახლეობას ვაკის გამგებელთან – დავით კვინიკაძესთან ერთად შეხვდა.
შეხვედრაზე განიხილეს ინფრასტრუქტურული პრობლემები და საკითხები, რომლებიც გამოსასწორებელია. ასევე, დელეგატმა მნიშვნელოვანი ყურადღება დაუთმო 26 ოქტომბრის საპარლამენტო არჩევნებზე საუბარს და ამომრჩეველს აქტიურობისკენ მოუწოდა.
„განვიხილეთ ინფრასტრუქტურული პრობლემები და საკითხები, რომლებიც გამოსასწორებელია. ჩვენ მაქსიმალურად ვეცდებით, რომ მომავალში მსგავსი ხარვეზები აღმოიფხვრას.
არჩევნების მოახლოებასთან ერთად, ვისაუბრეთ დღევანდელ პოლიტიკურ გარემოზე და არჩევნებში მონაწილეობის აუცილებლობაზე.
26 ოქტომბერს ჩვენს თანამოქალაქეებს აქტიურობისკენ მოვუწოდებ. ერთად უნდა გავიმარჯვოთ და ვიზეიმოთ ამ დღეს”, – განაცხადა ზუკა რურუამ.
