„სანამ ეს ოპოზიცია გვეყოლება, შეუძლებელია ჩვენი ქვეყნის ეკონომიკა სწრაფ ტემპებში განვითარდეს“, – განაცხადა უმრავლესობის დეპუტატმა მიხეილ ყაველაშვილმა.
„უკვე მეცხრედ დამარცხდნენ ოპოზიციის წარმომადგენლები და არ მახსენდება რომელიმე არჩევნები, სადაც ისინი ღირსეულად გამოვიდნენ, აღიარეს დამარცხება და გამარჯვებულებს მიულოცეს.
მე სპორტსმენი ვარ და ისეთ გუნდებში მითამაშია, სადაც გამარჯვებაზე ორიენტირებული, აბსოლუტურად სხვანაირი მენტალიტეტის ადამიანები იყვნენ. გამარჯვებისკენ სწრაფვის საკითხში ყველაზე მნიშვნელოვანია ის, რომ დამარცხების ფასი იცოდე. უნდა მიიღო ის ფაქტი, რომ დამარცხდი და შემდეგ ეს მარცხი გააანალიზო“, – აღნიშნა მიხეილ ყაველაშვილმა.
