“კოლუმბიის უნივერსიტეტის პროფესორის – ჯეფრი საქსის განცხადება იმის თაობაზე, რომ საქართველოში ხელისუფლების შეცვლა აშშ-ის მოქმედი ადმინისტრაციის გეგმებში შედიოდა, ერთი მხრივ, გაკვირვებას არ იწვევს. არანაკლებ საგულისხმოა სამხრეთ კავკასიაში ცხელი წერტილის გაჩენის მცდელობა. თუ გადავხედავთ ბოლო დროს განვითარებულ მოვლენებს, ევროკავშირის მხრიდან ზეწოლის ფაქტებს და აქაური უსამშობლოების აქტივობებს, ასეთი სცენარის შესახებ ეჭვი აღარავის ეპარება”, – წერს „ერთიანი ნეიტრალური საქართველოს“ წევრი ლევან ნიკოლეიშვილი სოციალურ ქსელში.
“რჩება მხოლოდ რამდენიმე კითხვა: ვის წისქვილზე დაასხამდა ეს ყოველივე წყალს, აშშ-ის თუ რუსეთის, და რატომ უნდა გაწირულიყო ამის გამო საქართველო როგორც სახელმწიფო და მისი ხალხი. საბედნიეროდ, ხელისუფლების გონივრულმა ნაბიჯებმა ამ დიდ საფრთხეს აგვაცილა, თუმცა რადიკალურ ოპოზიციას მაინც ბოლომდე სურს რეზიდენტის როლის თამაში, რაშიც მათ აქციაზე მისული მომიტინგეებიც ძალაუნებურად ეხმარებიან. სულ მცირე დრო რჩება მათ საბოლოო კრახამდე, ოღონდ, სიფხიზლისა და სიფრთხილის ოდნავი მოდუნება უკვე წამითაც არ შეიძლება”, – წერს ნიკოლეიშვილი.
