“იანვარ-თებერვლის მონაცემებით, 2025 წელი ეკონომიკური აქტივობის მაღალი ზრდითა და პოზიტიური დინამიკით დაიწყო. მიმდინარე წლის პირველ ორ თვეში საშუალო ეკონომიკურმა ზრდამ 9.4% შეადგინა – იანვარში ეკონომიკურმა ზრდის მაჩვენებელი 11.1%, ხოლო თებერვალში 7.7% იყო”, – ნათქვამია ეკონომიკისა და მდგრადი განვითარების სამინისტროს მიერ გავრცელებულ ინფორმაციაში.
„მიმდინარე წლის თებერვალში ეკონომიკურ ზრდაში მნიშვნელოვანი პოზიტიური წვლილი შეიტანა რამდენიმე სექტორში, მათ შორის: პროფესიული, სამეცნიერო და ტექნიკური საქმიანობების, ინფორმაციისა და კომუნიკაციის, განათლების და ტრანსპორტისა და დასაწყობების სექტორებში ეკონომიკური აქტივობის ზრდამ.
თებერვალში დღგ-ის გადამხდელ საწარმოთა ბრუნვა წინა წლის შესაბამისი თვის მაჩვენებელთან შედარებით 8.7%-ით გაიზარდა, ხოლო ახლად დარეგისტრირებულ საწარმოთა რაოდენობა 5,954 ერთეულს გაუტოლდა.
ამასთან, თებერვალში მნიშვნელოვნად – 8.7%-ით გაიზარდა დღგ-ის გადამხდელ საწარმოთა ბრუნვა წინა წლის შესაბამისი თვის მაჩვენებელთან შედარებით, ხოლო ახლად დარეგისტრირებულ საწარმოთა რაოდენობამ 5,954 შეადგინა.
უნდა აღინიშნოს, რომ 2024 წელს საქართველოს ეკონომიკურმა ზრდამ 9.4% შეადგინა, რაც ყველაზე მაღალი მაჩვენებელია რეგიონის, ევროპისა და ევროკავშირის კანდიდატ ქვეყნებს შორის, საქონლის ექსპორტისა და ტურიზმიდან მიღებული შემოსავლების კუთხით კი რეკორდული ოდენობა დაფიქსირდა.
2024 წელს ასევე მაღალი ზრდა დაფიქსირდა ექსპორტისა და ტურიზმის მიმართულებით. ექსპორტი 7.8%-ით გაიზარდა და 6.6 მილიარდ აშშ დოლარს გაუტოლდა, ხოლო ტურიზმიდან მიღებული შემოსავლები 7.3%-ით გაიზარდა და 4.4 მილიარდი დოლარი შეადგინა.
გასულ და მიმდინარე წლებში საქართველოს ეკონომიკაში არსებული პოზიტიური ტენდენციები და მაღალი ეკონომიკური ზრდა მეტყველებს, რომ საგარეო შოკების, გეოპოლიტიკური დაძაბულობისა და გამოწვევების მიუხედავად, საქართველოს ეკონომიკა მდგრადობას ინარჩუნებს და სტაბილურად ვითარდება“, – აღნიშნულია გავრცელებულ ინფორმაციაში.
