„ნიკა გვარამიამ დღეს გადაწყვიტა, რომ ვითომ გაემიჯნოს „ნაციონალურ მოძრაობას“ და მიუმხრობელი, შუაშისტური ამომრჩევლის ხმებზე ინადიროს, მაგრამ, ამ შემთხვევაში, მისი ეს მცდელობა არის განწირული, იმიტომ, რომ ნიკა გვარამია არა, უბრალოდ, სახე იყო „ნაციონალური მოძრაობის“, არა, უბრალოდ, გამხმოვანებელი იყო მათი მესიჯების, არამედ იყო ერთ-ერთი შემოქმედი იმ ბოროტებისა, რასაც ერქვა სააკაშვილის ხელისუფლება და სააკაშვილის მმართველობა“, – განაცხადა „ხალხის ძალის“ ერთ-ერთმა ლიდერმა სოზარ სუბარმა.
სუბარის თქმით, ნიკა გვარამია არა მხოლოდ ახმოვანებდა მიხეილ სააკაშვილის ხელისუფლების პოზიციას, არამედ თავად ადგენდა ბოროტ სქემებს.
„ამას ის ვერ ჩამოირეცხავს ვერასდროს და, დღეს რაც არ უნდა ვითომ აღიარებები ჰქონდეს, თუ არ იქნება აღიარება სასამართლოს წინაშე და თუ არ იქნება ამ ყველაფრის გამო სინანული გამოთქმული, ბუნებრივია, ის დარჩება ამ რეჟიმის არა მხოლოდ სახედ, არამედ ერთ-ერთ მთავარ დამნაშავედ“, – განაცხადა სოზარ სუბარმა.
