„უკრაინის შემდეგ, ნაქები „ვეტინგის“ სისტემა დღეს უკვე მოლდოვას დაემხო თავზე“, – წერს “ფეისბუკის” საკუთარ გვერდზე პარტია „ხალხის ძალის“ წევრი, ანალიტიკოსი დავით ქართველიშვილი.
„მოლდოვას „ვეტინგის კომისიის“ წევრი, ნიდერლანდელი ჰერმან ფონ გებელი, რომელიც მოლდოველი პროკურორებისა და მოსამართლეების ეთიკურობასა და მოუსყიდველობაზე აგებდა პასუხს, კორუფციულ სკანდალში გაეხვა: 2013-დან 2018 წლამდე, ჰააგის სასამართლოს მდივნად მუშაობის პერიოდში, მან ინსტანციას 760 ათასი ევროს ოდენობის ზარალი მიაყენა.
მისი ხელმძღვანელობით მიმდინარე რეფორმაში რამდენიმე მილიონი იქნა ჩადებული, რომლის განხორციელებისას აუდიტორულმა შემოწმებამ არამიზნობრივი ხარჯვის არაერთი ეპიზოდი გამოავლინა. გარდა ამისა, დადგინდა, რომ მოლდოვისთვის „ვეტინგის კომისისიისთვის“ წარდგენილ დოკუმენტაციაში მან მონაცემები გააყალბა და, ამ კომისიაში მუშაობასთან ერთად, პარალელურად, სხვა უწყებაში დასაქმების ფაქტი დამალა, რაც იუსტიციის რეფორმირების რეგლამენტს ეწინააღმდეგებოდა.
ნიდერლანდების ქალაქ დენ ბოშის სააპელაციო სასამართლომ დაადასტურა, რომ 2020 წლიდან დღემდე, ჰერმან ფონ გებელი მოქმედი მოსამართლის თანამდებობას იკავებს. ამ გარემოებებმა ნიდერლანდელის მიმართ მის პროფესიონალიზმსა და საიმედოობასთან დაკავშირებით სერიოზული კითხვები წარმოშვა. ასევე, გაჩნდა რიგი კითხვები იმ საერთაშორისო ორგანიზაციების მიმართ, რომლებმაც მას მოლდოვას „ვეტინგის კომისიაში“ სამუშაოდ რეკომენდაციები გაუწიეს“, – წერს ქართველიშვილი.
