“2024 წელს ზღვარს მიღმა მოსახლეობის 3,1% იქნება, 2025 წელს კი 2,6%-მდე შემცირდება და 2026 წლის ბოლოს 2,2% გახდება – მსოფლიო ბანკის მოლოდინები.
აბა, ახლა მაინც თუ ხვდებით ის საცოდავი გავლენის ბენეფიციარები, ვისაც ბომბების ცვენა გერჩივნათ სამარცხვინო მშვიდობას, რა პროცესთან გვაქვს საქმე?!” – წერს პარტია “ხალხის ძალის“ წევრი ზურაბ ქადაგიძე სოციალურ ქსელში.
მისივე თქმით, მსოფლიო ბანკის ახალი ანგარიშის თანახმად, შემოსავლების ზრდის და სიღარიბის შემცირების მიმართულებით საქართველომ შესამჩნევ წარმატებას მიაღწია.
„მსოფლიო ბანკის ახალი ანგარიში: „საქართველომ ბოლო ათწლედში შესამჩნევ წარმატებას მიაღწია შემოსავლების ზრდის და სიღარიბის შემცირების მიმართულებით“ – მსოფლიო ბანკი.
2004 წლის მონაცემებით, სიღარიბის ზღვარს მიღმა მოსახლეობის 12,37% იყო.; 2004-2012 წლებში უკიდურეს სიღარიბეში, საშუალოდ 12,78% იმყოფებოდა ანუ იმაზე მეტი, ვიდრე 2004 წელს; კლება შეინიშნება 2012 წლიდან და ხელისუფლების ცვლილების შემდეგ, პირველი წელს დაფიქსირდა 11%; 2019 წელს 6%-მდე იყო; 2023 წელს 3.5%-ზე ჩამოვიდა.
ამ უპრეცედენტო მასშტაბის პოზიტიურ მოვლენას, შეუქცევადი ეკონომიკური დინამიკა ესაჭიროება. თავისთავად, ეკონომიკურ დინამიკას კი სტაბილურობა და რაციონალური, სამშვიდობო პოლიტიკა. რაც დრო გავა, ყველა მიხვდება თუ რა ფასი აქვს მშვიდობას და რას ნიშნავს, რეალურად სუვერენული სახელმწიფო”, – წერს ზურაბ ქადაგიძე.
