“საქართველოს რეალური დამოუკიდებლობისთვის, სუვერენიტეტისთვის ბრძოლა გრძელდება და ამ ბრძოლაში უკან არავინ დაიხევს, არც შანტაჟისა და მუქარის ეშინია ვინმეს. ჩვენს უკან ჩვენი ოჯახები, ეკლესია და სამშობლო დგას!” – ასე ეხმაურება თბილისის საკრებულოს წევრი ვლადიმერ ბოჟაძე საქართველოს პრემიერ-მინისტრის, ირაკლი კობახიძის განცხადებას, რომლის თქმითაც, „ხანგრძლივი შანტაჟის ფონზეც კი, გამაოგნებელი იყო ერთ-ერთი ევროკომისრის მუქარა: „ხომ ნახეთ, ფიცოს რა დაემართა და ძალიან ფრთხილად უნდა იყოთო“.
„ძალიან რთულია, იყო საქართველოს მოქალაქე და არ გქონდეს რეაქცია პრემიერ-მინისტრის განცხადებაზე.
33 წლის წინ სისხლის ფასად აღვიდგინეთ დამოუკიდებლობა და დღეს აღმოჩნდა, რომ სუვერენულ სახელმწიფოს არ აქვს უფლება, მიიღოს კანონი, დაიცვას საკუთარი ხალხის ინტერესები.
დასავლელი პოლიტიკოსების განცხადებებს, სანქციების თუ სხვადასხვა სახის მუქარას დღეს სიცოცხლის მოსპობის მუქარაც დაემატა!
მშვიდობა და წარმატებები საქართველოს!“ – წერს ბოჟაძე “ფეისბუკის” გვერდზე.
