პარლამენტის თავმჯდომარე შალვა პაპუაშვილი სახელოვანი ქართველი მუსიკოსის – ლიანა ისაკაძის გარდაცვალების გამო მწუხარებას გამოთქვამს.
,,მწუხარებას გამოვხატავ სახელოვანი ქართველი მუსიკოსისა და გამორჩეული ადამიანის – ლიანა ისაკაძის გარდაცვალების გამო.
თანამედროვეობის ერთ-ერთი თვალსაჩინო მევიოლინისა და მუსიკოსის სახელს უკავშირდება არაერთი წარმატებული პროექტის შექმნა და საერთაშორისო ასპარეზზე ჩვენი ქვეყნის სახელის ღირსეულად წარმოჩენა.
ვუსამძიმრებ ქალბატონი ლიანა ისაკაძის ოჯახს, კოლეგებსა და თაყვანისმცემლებს საქართველოსა და მის ფარგლებს გარეთ”, – წერს პარლამენტის თავმჯდომარე “ფეისბუკის” გვერდზე.
