“მძიმე დღეშია „ნაცმოძრაობა“ – ვერ ჩამოყალიბებულა საბოლოოდ რა სახით და სახელით წარდგეს ამომრჩევლის წინაშე. ჯერ დისკრედიტირებულ პარტიულ ბრენდზე უარი თქვეს და „ერთიანობა – 5“ დაირქვეს., შემდეგ ეტყობა ვიღაცამ (მიხვდით ვინ!) კარგად შემოსცხო და „ნაციონალური მოძრაობა“ პარტიულ ბანერზე ისევ დააბრუნეს”, – წერს სოციალურ ქსელში ანალიტიკოსი ზაალ ანჯაფარიძე.
“მიუხედავად იმისა რამდენმა GEN-Z განაცხადებს, რომ მაშინ პატარა ვიყავი და არ მახსოვს, სააკაშვილის დროს რა ხდებოდაო. ფართო საზოგადოების მეხსიერება ნაცმოძრაობის „9 წელზე“ ყველაფერს ინახავს და არჩევნებზე ეს კიდევ ერთხელ გამოჩნდება.
იცით რა არის ფრატრიციდი (Fratricide)? ეს არის როდესაც ორი ძმა ერთმანეთს კლავს. ზუსტად ეს ემართება დღეს ენმ-ს და მისი წიაღიდან აღმოცენებული პირთა შექმნილი პარტიუკების გაერთიანებას. დღეს მათი სახით გვყავს „ნაცმოძრაობა-1“ და „ნაცმოძრაობა-2“. ორივეს ერთი და იგივე ელექტორატი ჰყავთ და რა თქმა უნდა არჩევნებზე ერთმანეთს ხმებს წაართმევენ და სწორედ ასე მოკლავენ ერთმანეთს.
ასეთ სიტუაციაში „ქართულ ოცნებას“ ისღა დარჩენია, რომ ხშირ-ხშირად შეახსენოს საზოგადოებას თუ სინამდვილეში რას წარმოადგენენ „ნაცმოძრაობა-1“ და „ნაცმოძრაობა-2“. ამის გაკეთების ფართო საშუალებები გააჩნიათ – დეტალებში არ შევალ – გამგები გაიგებს.
და რაც უფრო ინტენსიურად და რაც მთავარია კრეატიულად დაამკვიდრებს „ქართული ოცნება“ საზოგადოებაში იმ დისკურსს, რომ „ნაცმოძრაობა“ იყო და არის დანაშაულებრივი ორგანიზაცია, მით უფრო გაუადვილდება შეასრულოს, რომ იტყვიან უმაღლეს დონეზე გაცემული დაპირება – არჩევნებში გამარჯვების შემდეგ „ნაცმოძრაობის“ გარდუვალ გასამართლებაზე”, – წერს ზაალ ანჯაფარიძე “ფეისბუკის” გვერდზე.
