“აბა, რა! აი, ნამდვილი “მეგობრები და პარტნიორები,” ჩვენი “უფროსი ძმები” – მეთიუ მილერი ხომ პერიოდულად სანქციებით გვემუქრება, ახლა სენატორი კარდინი გამოხტა, – არჩევნებს დავიცავთო! მადლობის მეტი რა გვეთქმის! ოღონდ, მანამდე ძალიან გაგვიხარდება, თქვენი პრეზიდენტობის კანდიდატს, ბატონ ტრამპს თუ დაიცავთ, – ერთ თვეში რომ ორჯერ კინაღამ მოკლეს!” – ასე ეხმაურება “ერთიანი ნეიტრალური საქართველოს” წევრი ლევან ნიკოლეიშვილი ამერიკის შეერთებული შტატების სენატის საგარეო ურთიერთობების კომიტეტის თავმჯდომარის, ბენ კარდინის განცხადებას, რომლის თქმითაც, ამერიკა მზად არის ქართველი ხალხის ევროპული არჩევანის დასაცავად ნაბიჯების გადასადგმელად.
“მეორე: ასევე ცუდი არ იქნებოდა, სანქციები იმ ამერიკელებისა და უკრაინელი მაღალჩინოსნებისათვის დაგეწესებინათ, მილიარდები რომ დახარჯეს ჯერ ავღანეთში და მერე უკრაინაში! ახლა არ მითხრათ, ავღანეთში დემოკრატია დავამყარეთ და უკრაინა რუსეთს ომს უგებსო.
რაც შეეხება საქართველოს საშინაო საქმეებში ჩარევას, ჩვენ საქართველოში ასეთ მიდგომებს არ ვთლით არც მეგობრობად და არც პარტნიორობად, ხოლო თქვენ თუ ამის მოსმენა ოფიციალურ დონეზეც გნებავთ, ასე გააგრძელეთ და ერთ მშვენიერ დღეს ამასაც აუცილებლად მიაღწევთ!” – წერს ლევან ნიკოლეიშვილი “ფეისბუკის” გვერდზე.
