“ამ უჯიშოებსა და უსამშობლოებს დღეს დაემატა უღმერთობა. რატომ არიან უღმერთოები? რატომ არიან უჯიშოები და უსამშობლოები? – მათი ქმედებიდან გამომდინარე. დააკვირდით ყველა მათგანს, ერთმანეთზე რა აქვთ ნათქვამი. ჩვენ ხომ არ გამოვდივართ და ამ ფრაზებს ჩვენ არ ვიძახით?! რას იძახდა გუბაზ სანიკიძე მიხეილ სააკაშვილზე; რას იძახდა ელისაშვილი მასხარა ხაზარაძეზე; რას იძახდა გვარამია სალომე ზურაბიშვილზე; ხაზარაძე – გახარიაზე და ა.შ.” – განაცხადა საპარლამენტო უმრავლესობის წევრმა მიხეილ ყაველაშვილმა.
„რამ უნდა აიძულოს ერთმანეთისთვის პატიება? რა არის ჩვენი სარწმუნოება? რას ნიშნავს ქრისტიანობა? – ჯერ უნდა მიუტევო, აპატიო, რასაც შენ გაბრალებენ, ან შენ დააბრალე რაღაც ადამიანს და ამის მიხედვით შეიძლება, რაღაც განახორციელო, მაგრამ, როცა საერთოდ არ საუბრობ ამ თემებზე, რას უწოდებდი და როგორ უწოდებდი, და ახლა გგონია, რომ ყველაფერი დასაშვებია… ადამიანისთვის თუ ყველაფერი დასაშვებია, ის არის უღმერთო, არ სწამს არაფრის. ამაზე მაქვს საუბარი.
როდესაც ერთ დღეს ასეთი ტექსტებით გამოდიხარ, მოღალატეს უწოდებ, არაკაცს (არც შემიძლია, ის სიტყვები ვახსენო, რასაც ისინი ერთმანეთს უწოდებდნენ), მეორე დღეს, აბსოლუტური 180 გრადუსით შებრუნებული, პირიქით საუბრობ ადამიანზე, თან პოლიტიკოსი გქვია და თან ამომრჩეველს ელაპარაკები… ამომრჩეველთან მიდიან ელისაშვილი და ხაზარაძე და ეუბნებიან, – ჩვენ დაგვიჭირე მხარიო, და ამომრჩეველმა რომ ჰკითხოს, – შე დალოცვილო, ამაზე ვაჭარს იძახდი, მევახშეს, არაკაცს და რას მეუბნები ახლა – რომ ამისი უნდა მჯეროდეს თუ არ უნდა მჯეროდესო… და რას უპასუხებს ელისაშვილი? რომ ეს ხუმრობა იყო? და ამ ადამიანს უნდა დაუჭიროს მოქალაქემ მხარი,“ – აღნიშნა ყაველაშვილმა.
