„ნურავის ექნება იმედი და ცრუ მოლოდინი იმისა, რომ ბიძინა ივანიშვილის მიერ გუშინ გაჟღერებული მესიჯი, ქუდზე კაცის გამოსვლასთან დაკავშირებით, “ქართული ოცნების” ამომრჩევლის ნაკლებობას ნიშნავს.
ბოლო კვლევით, 60% გარანტირებული აქვს პარტიას, მაგრამ მეტია საჭირო და აუცილებელი, მარტო იმისთვისაც კი, რომ დაუბრკოლებლად გასამართლდეს დამნაშავე “ნაციონალური მოძრაობა. ასევე უსამშობლო, დესტრუქციული, მხოლოდ პირად ინტერესებზე ორიენტირებული ოპოზიცია რაც შეიძლება ნაკლები დეპუტატით იქნას წარმოდგენილი პარლამენტში და, გარდა ამისა, მმართველმა პარტიამ დაუბრკოლებლად შეძლოს ტერიტორიული მთლიანობის აღდგენა, შეინარჩუნოს მშვიდობა, გააჯანსაღოს პოლიტიკური ველი და გაგრძელოს ეკონომიკური წინსვლა”, – წერს ექსპერტი ნინო ფოჩხუა სოციალურ ქსელში, რითაც მცხეთაში, “ქართული ოცნების” წინასაარჩევნო კამპანიის რეგიონალურ ღონისძიებაზე ბიძინა ივანიშვილის სიტყვით გამოსვლას ეხმაურება.
“ასე რომ, წიწილებს შემოდგომაზე ითვლიანო, – ნათქვამია.
P.S. რაც შეეხება ბიძინა ივანიშვილის უსაფრთხოებას: რა, არ არიან ადამიანის მკვლელობაზე წამსვლელები (ყველას გვახსოვს, 2012 წელს როგორ დაჰყვებოდა ამერიკის მაშინდელი ელჩი ივანიშვილს რეგიონებში, რადგან იყო ინფორმაცია მისი ლიკვიდაციის შესახებ), თუ დაავიწყდათ ბიძია თემურის მილიონისა და “სნაიპერსკი ვინტოვკის” ამბავი?“ – წერს ნინო ფოჩხუა “ფეისბუკის” გვერდზე.
